 |
काठमाडौँ २२ चैत । मलेसिया सरकारले आप्रवासी कामदारलाई रोजगारीका लागि मलेसिया आउन बन्द गरेसँगै यहाँको रोजगारी छाड्ने नेपालीको संख्या वृद्धि भएको छ । एक महिनाको अवधिमा मलेसियाबाट ५३ हजार २५ जना नेपाली वैधानिक श्रमिकको सूचीबाट हटेका छन् ।
मलेसियामा चार लाख ८३ हजार नौ सय आठ नेपाली श्रमिक वैधाधिन रुपमा काम गरिरहेको अध्यागमन विभागको तथ्यांकमा छ । मलेसियाबाट एक महिनाको अवधिमै ५० हजारभन्दा बढी नेपाली घर फर्किएको वा अवैधानिक भएको भन्ने विषयमा अध्यागमनले स्पष्ट पारेको छैन ।
मलेसियामा रोजागारी छाड्ने नेपालीको संख्या अन्य देशका श्रमिकभन्दा धेरै छ । करिब ५० हजारभन्दा धेरै नेपाली श्रमिकले मलेसियाको वैधानिक रोजगारी छाडेका छन् । नेपाली कामदारको तथ्यांकले पनि मलेसियामा आउनेभन्दा स्वदेश फर्कने धेरै भएको पुष्टि गर्छ । आजको अन्नपूर्ण पोस्ट दैनिकमा खबर छ ।
|
0 comments:
Post a Comment